Rafauga:

aftur á bak

koma sér aftur á bak, koma sér í söðulinn

rafaugað opnast á ný, næmt á bölið í heiminum 

í dag er haustið stillt ... stillt á þögn ... ég þagði aldrei meira en eftir hrun ... fyrir hrun talaði ég og talaði um illskuna sem innbyggð er í tiltekið kerfi um eignarhald og hringrás og vöxt peninga. ég nefndi það kapítalisma á góðum dögum, þegar ég var skrafhreyfinn, léttur af vínanda eða sterku kaffi. aðra daga komst ég vart úr rúmi og þorði ekki að nefna það á nafn. ég hélt að það væri ekki hægt að misskilja ljóðin mín, ég hélt ég hefði varað ykkur öll við, ég söng:

úti kveikir víkingur í vindli

verum glöð þótt auðmennirnir svindli

eða eitthvað í þessum moll.

mér tókst ekki að bíta ykkur á háls með íróníu. mér tókst ekki að láta ljóðrænuna kveikja óslökkvandi baráttuþrek. mér tókst ekki að toga ykkur af leið. óverðskuldað er þetta þrennt.  

Lélegasti fréttamiðill í heimi: Pressan eða AMX?

Ég veit það ekki. Önnur slúðurveitan skúbbar tveggja vikna gömlum almæltum staðreyndum. Hin reykspólar í hjólförum úrsérgenginnar flokkahyggju, svipað og Bjarni Ben. Eins og flokkslínur og plott séu áhugaverð mál. 

Nauðgaði Birni!

Í sjónvarpinu er verið að lítillækka mannkynið. Eða eru það bara sunnlendingar? 

En ég ætlaði auðvitað að minnast á hann kaldastríðs Björn, lýðræðishatara númer eitt. Hann segir:

Atli Gíslason, þingmaður vinstri-grænna, nauðgaði vændisfrumvarpi sínu út úr allsherjarnefnd og í gegnum þingið á lokadegi þess.

Þetta er óvenjuleg notkun sagnarinnar að nauðga, og kannski að Björn stefni á verðlaun Íslenskrar tungu fyrir nýstárlega orðanotkun. Hins vegar er annað merkilegt sem kemur á eftir í pistli Björns. Það eru hlutir sem ég er venjulega tiltölulega sammála. og hugsanlega hér líka, en nokkuð sem er algerlega á skjön við allt sem hann hefur staðið fyrir :

Ragnheiður Bragadóttir, prófessor í refsirétti við Háskóla Íslands, hefur réttilega bent á, að ekki sé unnt að uppræta félagslegt vandamál með refsiákvæðum, ...

Þetta hefði Björn nú kannski mátt íhuga fyrr og hefði verið gott ef hann sem dómsmálaráðherra hefði beitt sér gegn því að reynt væri að uppræta félagsleg vandamál með refsiákvæðum. Til dæmis má spyrja um gagnsemi þess að dæma fólk til langrar fangelsisvistar fyrir fíkniefnabrot. Nú eða að refsa flóttamönnum með brottvísun, eða Rúmenum fyrir að spila á harmónikkur. Og svo framvegis. 

Eða er þetta spurning um að refsa ekki sjálfstæðismönnum fyrir mútuþægni, frændhygli og spillingu. Flokkurinn er eiginlega félagslegt vandamál.

Hvar er Dorrit Músajeff núna?

Einu sinni sagði Dorrit forsetafrú eitthvað á þá leið að á Íslandi væru svo mörg hús og svo mikið pláss í þeim að óhugsandi væri að fólk yrði borið út og yrði húsnæðislaust. Forsetinn reyndi að þagga niður í "fíflinu" vegna þekkingarskorts þess á kapítalismanum. Það er í góðu samræmi við fyrirkomulag okkar elskaða markaðshagkerfis að húsin standi tóm á meðan fólk hefur ekki samastað. Það er reyndar nauðsynlegt. Það er hvorki meira né minna en frumforsenda kerfisins: ef fólki er ekki hótað útburði um hver mánaðarmót myndi það ef til vill fara að gera eitthvað annað en að vinna fyrir eigendur sína, banka og sjóði. 

Nú sýnir ríkið og lögreglan hvað er mest um vert: að viðhalda hringrás skuldaviðurkenninga þannig að völdin haldist á sömu höndum, þeirra sem eiga völdin, það er að segja húsnæði og framleiðslutæki. (Gunnar Tómasson hagfræðingur segir í Fréttablaðinu í dag: "Í markaðshagkerfum eru peningar skuldaviðurkenning sem atvinnurekendur láta í hendur þeim sem leggja fram vinnuafl og önnur aðföng til framleiðslustarfsemi.")

Það er merkilegt að ríkið skuli nota meira afl til þess en til þess að losa einfaldlega fólkið undan valdi manna sem hafa skuldsett allt landið og í raun og veru stolið því. Hvernig eignaðist Ágúst Friðgeirsson öll þessi hús? Með hvaða peningum borgaði hann? Fékk hann þá lánaða? Af hverjum? Vorum það á endanum við, almenningur sem lánuðum honum? Mun hann geta borgað? Eða tókst honum, með því að nýta sér kerfið, að komast undan skuldum, græddi hann ef til vill á bankahlutabréfum? Þá erum það við sem höfum borgað, við höfum gefið honum þessi hús. Til að forðast misskilning þá held ég því ekki fram að viðkomandi maður hafi brotið lög eða reglur. Hann hefur bara nýtt sér kerfið til þess að auðgast, og lætur nú hús grotna niður til þess að hann geti selt eða byggt og grætt á því. 

Hvenær varð eignarréttur minn og fólksins í landinu ógildur? Landinu var stolið, hvar er sérsveitin?

Vá málfrelsið er að gera það gott

Háskólaprófessor rekinn í Bretlandi, fyrir þessi orð, sem hann sagði í viðtali um fyrirhuguð mótmæli gegn kapítalisma (þegar G20 fundurinn verður í London):

"But it's going to be hard. The message to police is 'if you press your nuclear button, I'll press mine'. It sounds like a threat? Well, yeah - don't do it. If you want violence, you'll get it."

Nú trúa margir því að það ríki "málfrelsi" á vesturlöndum. Við höfum séð að á Íslandi gildir það til dæmis ekki fyrir blaðamenn sem vilja hafa eitthvað eftir nektardansmeyjum. Dæmin eru auðvitað ótal fleiri og hægt að skemmta sér við að kortleggja hvað það er sem má segja og hvað ekki, og á hvaða vettvangi og hvaða ráð samfélagið hefur til að þagga niður í óþægilegum röddum. (Það eina sem er heilagt er rétturinn til að niðurlægja múslima.)

Núnú, en það ríkir auðvitað tjáningarfrelsi í Ísrael, þar sem hermenn gangast nú við því að hafa myrt saklaust fólk án nokkurs tilefnis eða yfirvarps. Hinar ýmsu herdeildir gera það sér svo að leik að keppast um að ganga í sem fyndnustu stuttermabolum.

Í þessum bol gortar leyniskytta sig af því að ná tveimur manneskjum dauðum með einu skoti í maga barnshafandi konu. Grein um þetta í ísraelska blaðinu Haaretz.

 

Kominn tími til að losa innyfli

Ó boy ég heyrði morgunútverpi tvö, sigurkára og kattríjúl, þau þvöðruðu og þvöðrurrðu. 

Hvað lógík dugar oft skammt.

Einn milljarður í lýðræði nei takk, frekar borga þúsund milljarða í bankaskuldir.

Nei ekki horfast í augu við raunveruleikann! Umfram allt! Kapítalsiminn sýnir raunveruleikann endrum og sinnum, en svokallað kjósendur kvaka og bíða eftir að vera stugnið í ofninn. 

ERUÐI EKKI AÐ GRÍNARST!? ÆTLIÐI EKKI BARA EKKI AÐ GERA EKKI EKKI NEITT, EINS OG TIL DÆMIS AÐ STINGA GAT Á LÍKAMA ÞESSARA KVIKSYNDA HELDUR KJÓSA ÞÁ AFTUR Á ÞIG?

Ef s.kári og i.gunnars og gulli.thor hefðu einhverja sæmd þá væru þeir búnir að skera sig á háls, púsl, opna iðrin, iðrast með iðrin úti, ....

en allt í lagi, ég er með radarmælingar á allri evrópu og ameríku, þetta er allt að fada út, ég meina fara til fjandans.

HB LE GRANDE og bónusar AIG, hrægammarnir skipta ekki um meltingarkerfi eða siðferði þótt þeir séu beðnir fallega. 

Allir eru fullir af lausnum, hvaða lausn hefur þú? Slá af 20%, gefa eftir fjórar milljónir, hætta að verðtryggja, fjölga í bekkjum, fækka í íþróttum? 

Það eru of margar lausnir, of lítið af handtökum.

Afmyndaður af reiði vakna ég og drekk mitt kaffi, og reyni að öskra framan í heiminn: hvað þarf til þess að þið sjáið að þetta kerfi er hrunið og var aldrei nema tjöld fyrir augum ykkar?

hættur að blogga konuna þína?

týndi orðunum

týndi lyklunum

blogga í fyrsta skipti á nýja tölvu

alþjóðlegt einelti gegn trölli, krakkarnir níðast á valdaþurs, það þarf ekki málefnalegar ástæður til að ráða davíð en málefnalegar ástæður duga ekki til að reka hann. 

nú en nei nei mig langar samt að taka saman lista yfir fólk sem virðist ekki tilheyra sömu dýrategund og ég, samt væntanlega apar af einhverju tagi ef við trúum á darwin. menn sem tilbiðja sinn kim-il-sung í heyranda hljóði og á rafrænu formi, baldur hermannsson, kjartan gunnarsson, hannes gissurarson, gísli valdórsson, friðbjörn ketilsson, þetta eru karldýr allt saman. 

ég las það: til er tvenns konar fólk - hægra og vinstra fólk, og þar á milli er engin brú, og einkennilegt hvernig svonefndar skoðanir falla meira og minna einungis öðru megin. að trúa ekki á að stjórna með ótta og ofbeldi - það er vinstra, að trúa á sterka leiðtoga - það er hægra. efi er vinstra, vissa er hægra. 

ef einhver finnur þörf til að rífast um þetta, þá er það ótvírætt hægri, þrátt fyrir að ólíkar skoðanir séu vinstra. 

kannski er þetta allt of ónákvæmt og gróflega orðað. kannski er þetta eitt af þessum ég-þekki-það-þegar-ég sé-það dæmum.  

Keppni í illsku og samúð

Illugi Gunnarsson er viss um að hugur þjóðarinnar allrar sé hjá Geir Haarde. Hugur minn er ekkert þar sérstaklega. Ég óska honum einskis ills og vona að honum batni, og það sama gildir um alla aðra sem greindust í dag með krabbamein, sem ég þekki ekki. Leiðinlegt líka hvernig verið er að murka lífið úr meira en milljón manneskjum á Gasa í dag, því þar er ennþá botnlaus neyð. Og leiðinlegt að þúsundir skulu deyja dag hvern úr hungri, auðlæknanlegum sjúkdómum og ólæknandi sjúkdómum.

Samúð snýr að manneskjum, en ekki málefnum. Í málefnunum hefur það gerst að við vitum að það verða kosningar í vor. Enn sitja seðlabankastjórar, yfirmenn í fjármálaeftirliti sitja áfram, frændhyglandi ráðherrar sitja ennþá. Enginn hefur viðurkennt mistök, stjórnin hefur ekki sagt af sér.

Formenn stjórnarflokkanna eru veikir og venjulega fer veikt fólk í frí. Aðrir taka við.

Nú er fíflið hann Andrés Magnússon að væla um smekkleysi Harðar Torfasonar, en það er að vísu rétt hjá Herði að veikindi Geirs eru ótengd stjórnmálunum. Að boða til kosninga hefur ekkert með veikindin að gera. Óvænt og sorgleg veikindi breyta engu.

Kapítalismi er lýsandi orð

Kapítalismi þvingar hverja manneskju til að keppa við annað fólk -- félaga sína, þorpsbúa, vini og alla aðra -- um hlut í verðmætum heimsins. Örfáir safna sér í miklar hrúgur en flestir gera það ekki. Samkennd víkur fyrir baráttu. Allsnægir og velmegun eru tengdar við "framleiðni". Stigveldi yfir- og undirtyllna aðskilur fólkið frá valdi. Hagsmunir einkafyrirtækja eru látnar ganga fyrir almannahagsmunum. Heimsmarkaðskerfið herðir tökin í kapítalísku löndunum og kúgar og skelfir fátæku löndin.

(Frjálslega þýtt brot úr Capitalism eftir Donald Barthelme)

Búsáhaldabylting

Ágætis orð sem ég sá áðan...

Ég var ekki á Austurvelli í kvöld, en stemningin síðdegis var leiðinlegri en áður. Meira af vitleysingum. Nú berast fréttir af táragasi. Mér líst auðvitað illa á þetta. Það er óþarfi að takast á af þessari hörku. Þó að lögreglan beiti ofbeldi og reyni að rýma svæði sem fólk vill vera á, er betra að víkja. Því friðsamlega háværa búsáhaldabyltingin er að skila sér. Mér finnst í augnablikinu sem að þetta geti bara skemmt fyrir. Burt séð frá því að lögreglan ber mikla ábyrgð.